Member-only story
信用卡只係工具，使大咗，債台高築，唔係信用卡本身嘅問題，而係用家用信用卡心態問題。
為咗儲分而儲分，而亂用信用卡。食飯用信用卡，買衫用信用卡，碌卡彷彿唔使錢噉，而且仲有回贈。好多人為咗儲積分/里數，而係噉碌卡，根本冇諗過係「想要」，定係「需要」。就算信用卡有回贈，連埋推廣，最多不外乎5–10%回贈，如果為咗回贈而碌卡，根本係本末倒置！
有「需要」買嘢，先決定用邊張信用卡最著數。換言之，就算冇得用信用卡，大家都會買嗰樣嘢。只不過，如果有得用信用卡，有埋回贈就更加好。信用卡只係畀錢嘅工具，令到大家畀錢方便啲，唔使即時找數，又唔使摷錢。但係，工具對你有益定有害，最終都係視乎用家點用。所以，點解之前以先生提到「唔想出糧月月清，還Min Pay，做好記帳好重要！」。如果大家有記帳習慣，定期檢視自己支出，就冇咁易使大咗。
正確嘅碌卡心態好重要，切忌先使未來錢。而家大部份消費都碌卡，確實非常方便。但係，如果大家只係學生，或者收入微薄，又諗住先使未來錢，碌卡買手機，買機票，只會入不敷出，最終要還Min Pay，卡數越滾越大。所以，大家買嘢之前，要視乎自己經濟能力，千祈唔好畀「信用額」呃咗，以為自己真係有錢。
信用卡有好多著數，可以用嚟交水電煤、租金、管理費，又可以免息免手續費分期，變相增加現金流，減少經濟嘅即時負擔。
信用卡交水電煤、租金、管理費等等。其實，而家衣食住行，幾乎都可以用信用卡，大家只係冇為意。平時見到唔少人去便利店交水電煤，除咗要排隊，冇回贈之外。最重要係，大家要即時畀一筆錢。但是，如果信用卡就可以拖返一段時間，大家只要準時卡數就冇問題。
信用卡可以免息免手續費分期。我諗好多人都聽過分期，但係往往都係要畀手續費，計計埋埋都要幾%。舉例，你買部手機要$10,000，如果分期12個月，月平息0.22(年利率4.95%)，埋單就要畀多差唔多$264。但係好多時，唔同信用卡都要推廣，可以免息免手續費分期畀錢，就以AEON e-Mall 為例，買一部iPhone 12 Pro Max 256GB，要HK$ 10,199，如果分期24個月，一蚊手續費都唔收，真係抵到爛，不過要有AEON信用卡。
總結，信用卡只係工具，會唔會攪到周埋債，都…
