Member-only story
要儲錢，唔係每月剩幾多，儲幾多。而係，每月諗住儲幾多，而決定要使幾多錢。
如果大家諗住每月剩幾多儲幾多，十居其九都係冇錢剩，甚至要先使未來錢。所以，我哋要調轉嚟諗，先諗儲幾多，之後決定使幾多。假設你月入$14,000 (扣除MPF)，諗住儲$4,000，咁你可以使嘅錢就有$10,000。之後，我哋要列出所有嘅恆常支出，例如家用、學債同保險費等等。如果你恆常支出係$6,000，咁你實際可以用嘅錢只係$4,000。
其餘嘅支出，就用記帳APP 記低佢。每日使咗幾錢，記錄低哂佢，每個月嘅支出就一目了然。我而家就用緊秒速記帳APP，暫時只支援IOS系統，個APP要$15，但個APP既好用程度令我覺得呢$15係值得比。呢個APP 可以設定你每個月預算，每當你記帳，你可以用嘅錢就會下降。
每月額外儲多咗嘅錢，可以撥入下個月備用。而使凸咗嘅錢，可以計入下個月嘅開支預算，或者扣返之前額外嘅備用金。
- 如果你今個月預算係$4,000，但你只係用咗$3,500，即係你額外儲多咗$500。你下個月預算就係$4,500。
- 相反，如果你預算係$4,000，但你使咗$4,500，變相使凸咗$500。你下個月嘅預算只有$3,500。
儲錢要循步漸進，如果大家平時月月清，就唔能夠對自己太苛求，諗住一蹴而就，儲好多錢。可以先由一個月儲一兩千蚊，到之後三四千蚊，慢慢加上去。儲錢要量力以為，唔可以為咗儲錢而扼殺生活質數，噉樣只會本末倒置。所以，應使則使，亦要分清係想要，定係需要。
如果想更多有關極簡環保、財務管理、黃店介紹以及生活的照片，歡迎FOLLOW我們的IG～ YIMUT7.13
