而家找卡數都好方便，以前啲文章都提到，可以用 (1) PPS繳費靈，(2) 銀行e-banking，同埋 (3)自動轉賬找卡數。而隨住「轉數快」嘅興起，而家一啲銀行甚至可以用「轉數快」即時找卡數，即係星期六日同公眾假期都唔使驚找唔到卡數。至於虛擬銀行找卡數又係咩一回事呢？
虛擬銀行(Virtual Bank) 目前暫時只有ZA同MOX Bank 呢兩間可以用嚟找其他銀行卡數，不過都係用銀行戶口結餘找。兩者最大分別在於，ZA係用「轉數快」即時找卡數，而MOX「繳費」係星期一至星期五（公共假期除外）香港時間16:00或之前截數。
ZA BANK(眾安銀行)「轉數快」找卡數
ZA Bank每日最多找三十萬卡數，雖然透過「轉數快」係可以即時找卡數，但係信用卡係要一兩日先會顯示到，所以建議大家唔好當日先找卡數，預返一兩日時間，會比較安全啲。
MOX Bank 透過「繳費」功能找卡數(同PPS, e-banking 繳費差唔多)
除咗ZA係「轉數快」即時找卡數外，兩者仲有咩分別呢？ ZA Bank 係純粹得找卡數功能，而且係冇得找安信，AEON嘅信用卡。至於MOX Bank 係繳付唔同嘅賬單，包括公用服務、電訊、政府及私人企業(可參考MOX 嘅Q&A)。
