Member-only story
每個月Medium 會員收費就要USD $5，但我一篇文都係得USD $0.07，一個月出得幾篇文，真係會費都唔夠畀。
雖然冇諗住靠Medium 搵食，但係一向覺得文字有價，所以諗住睇下寫文可以有幾多收入，就參加咗Medium Partner Program。唔參加由至可，一參加先知，原來寫文嘅收入得雞碎咁多，分分鐘連會費都唔夠畀。
睇返數據，篇文一個人睇，大概有1仙，如果100個人睇，應該就有USD $1。以先生最多人睇嘅文，都係得200人(嗰陣未參加Medium Partner Program)，所以一篇文畀盡都係賺USD $2。但係，其實寫一篇文，最少都要個幾鐘，如果以人工嚟講，靠寫文喺Medium 搵食，真係出哂事…
而家好多人覺得，睇文唔使錢，肯睇你篇文都偷笑。但係又噉諗，如果寫文冇收入，或者得微薄收入，又點會鼓勵到更加多嘅人從事文字工作呢？噉又點會有高質嘅文章呢？不過，值得慶幸嘅係，而家多咗好多平台，令到讀者可以直接支持作者，令到鍾意文字工作嘅人有更加多嘅生存空間。
如果想更多有關極簡環保、財務管理、黃店介紹以及生活的照片，歡迎FOLLOW我們的IG～ YIMUT7.13
