【理財基本功】放假都冇嘢做，不如返工claim錢？

假期已經唔多，如果仲用嚟返工，就算每個月搵多幾千蚊，但人生嘅意義又喺邊？

拍攝於大澳─虎山

以先生一個月大概有6日假期，平時有啲同事會話「放假都冇乜嘢做，不如都係返工claim錢，一個月多返一兩千蚊都好阿。」以前啱啱做嘢嗰陣都噉諗，但係人大咗，又做咗幾年嘢，會覺得錢係搵唔哂，同埋搵錢唔一定要噉嘅。

而家以先生放假，盡量都會同沫小姐或者朋友四圍去下，好似去下郊外，行下山噉。雖然呢啲係冇錢收，仲可能要使錢，但係可以令自己放鬆下、叉下電，同埋維繫大家感情，呢啲係無價。以先生最鍾意去郊外，因為當你飽覽大自然美景嘅時候，好多煩惱都可以忘卻。

有時喺度諗，一個月得幾日假，仲要繼續用嚟返工，噉人生嘅意義喺邊呢？當然啦，如果大家真係好有經濟需要，每個月想搵多幾千蚊，噉都係可以理解。但係，好多嘢錯過咗就冇，好似同家人、伴侶、朋友相處時間。同埋身體捱壞咗，可能仲要使更加多嘅錢。

所以，大家要思索，搵錢係咪一定要返多幾日工？或者有更加多嘅方法，只係我哋唔知，因為貧窮限制咗我哋想像。

拍攝於南丫島

投資，增值自己，不如返多份工好過？

曾經為咗慳十幾廿蚊，餐餐食叮叮飯，食咗大半年

如果想更多有關極簡環保、財務管理、黃店介紹以及生活的照片，歡迎FOLLOW我們的IG～ YIMUT7.13