Citibank 有一項Citi PayAll信用卡服務，可以用嚟繳付生活使費 ─ 租金、管理費、停車場費、學費同雜費，而且仲有積分/現金回贈。
不過，世事無完美，用Citi PayAll要收1%手續費，所以只能夠用有1% 現金回贈嘅Citi Cash Back信用卡先可以彌補到個手續費。Citi PayAll 每個月加埋唔可以超過$50,000，可能大家會話「我所有繳付使費加埋最多咪一萬幾千，套現得幾多啫？」，噉諗就大錯凸錯啦。事實上，大家只要「交租」畀屋企人就得，而且係唔使交租約。 如果你諗住「交租」$50,000，你就要預留$50,500信用額，因為要收1%手續費，至於Cash Back 信用卡回贈嗰1%，就要等月結單出咗先有。
Citi PayAll 繳費唔係用轉數快，對方唔係即刻收到錢，所以大家要「4個工作天前喺Citi Mobile® App設定呢筆繳費」，如果1月7號有筆數要交，就要：
點樣用Citi Mobile App 繳費，其實官網都有詳細教學(包括Q&A)：
而家Citi PayAll有限時獎賞，如果你係新用戶最多可以拎到$1,500回贈。不過，就算你唔係新用戶都可以拎到$1,200。但係，要記得記得，預先登記，仲要喺「2021年2月28日或之前設定3個月或以上每月定期付款」。
每個月套用$50,000 有咩用？而家Virtual Bank 有1% 活期，就算擺5萬乜都唔做，一個月都收返$41.6。多咗現金流有好多用處，但千祈唔好亂咁使，以免債台高築！
之前提到，東亞信用卡不時有結餘轉戶推廣(找其他信用卡)，而家啲手續費同回贈，終於都出咗啦。而之前信用卡拎一萬蚊出嚟啲手續費都出咗。
