政府嘅「臨時失業支援」計劃，最快星期三(23/3)有得申請，可以為因第五波疫情而失業嘅人士，提供一筆過一萬蚊嘅援助，紓緩大家嘅財政壓力。有呢個計劃，當然係好事，但係往往處理需時，分分鐘要兩三個月時間先收到錢，真係未必等到佢救命。所以，大家惟有自救，而信用卡免息免手續費套用，就係其中一個辦法。
渣打銀行而家可以透過轉數快，直接將信用卡餘額轉入銀行（任何銀行都得），只要轉帳總額合共唔超過十萬蚊，就唔使收取手續費。超過十萬，就要收取3.5%手續費，但係免息套現只能去到2022年6月30日。有關詳情，可以參考渣打網站。
呢個推廣，由2020年8月開始做，計返條數，都差唔多兩年，以為今年係加息年，銀行會借啲意「收水」，點知都係繼續「賣大包」，畀大家免息免手續費套現，真係疫情下嘅一大善舉！
當然啦，想用渣打信用卡套現，首先你要有渣打信用卡，同埋渣打銀行戶口。如果冇，係咪要走去分行開阿？梗係唔使啦！而家可以透過渣打個APP手機開戶，詳情都係睇返官網。
噉唔夠信用額，點算阿？其實都好簡單，可以喺手機APP度申請信用卡加額，不過就要上載返糧單。
