講完公屋交租，就講下私樓交租。其實，兩者之間都係差唔多。不過，私樓就唔可以透過信用卡用e-banking交租。私樓交租，多咗兩個方法 ─ 「RentSmart租好啲」及「Citi PayAll」。
透過銀行e-banking，大家當然可以用轉數快，或者入戶口NO.過錢畀業主啦，但係最大問題係，只可以用戶口錢，唔可以透過信用卡畀。換言之，就係冇着數，因為唔可以透過信用卡免息拖返幾個月。
(1) KeyChain Pay 租金支付平台 ─ 匯豐信用卡高達1.9% — 3.5%
同公屋交租差唔多，大家只要step-by-step填哂啲資料，上載埋租約就冇問題。KeyChain Pay除咗可以用Mastercard外(2.2%手續費)，仲可以用VISA，AE Card (2.9%手續費)。但係匯豐信用卡手續費就更抵，只係2.1%。所以，用Red Card 就賺1.9%回贈，用Visa Signature就賺3.5% 回贈。
匯豐Red Card 網上簽帳有4%回贈(頭$25,000 網上簽帳有4%，其餘得1%回贈，有效期至2022年6月30日)，扣咗2.1%手續費，就有1.9% 回贈。至於，匯豐Visa Signature 回贈有上限，如果用咗嚟交租，好易就用爆。舉例，如果交租超過$5,000，最紅網上簽帳就已經爆咗回贈。所以，大家衡量用唔用。
(2) RentSmart租好啲 ─ VISA/MASTER 交租可能倒蝕，銀聯就賺少少
