每年到交大專/大學學費嘅時候，都見到啲大學附近銀行打哂蛇餅，個個去櫃檯交學費，因為交一次學費大拿拿都兩萬幾蚊，唔少人覺得喺櫃檯交，會隱陣好多，因為有職員幫你對，唔使驚攪錯。當然，有啲同學仔會去自動櫃員機(ATM)交，因為多數唔係好多人排隊，會快好多。不過，以上兩種方法，都係冇藉數，純粹只係交咗學費。
交學費，可以用信用卡交，仲有高達2.4%回贈
滙豐滙財金卡 — 學生卡繳交學費可享高達2.4%「獎賞錢」回贈(每階段內最高可享$200「獎賞錢」回贈，共分兩階段)
一期學都差唔多$21,050，如果有2.4%咪有成$500？如果回贈冇上限就係，不過因為每階段最多回贈$200，所以就算交兩萬蚊，都係得$200回贈。
噉邊間大專/大學先得呢？「繳費服務之指定商戶包括: 香港中文大學、珠海學院、香港城市大學*、香港城市大學專上學院、香港教育大學、恆生管理學院、香港浸會大學*、香港大學、香港科技大學、嶺南大學*、香港公開大學及香港理工大學*」
恒生銀行─大專/大學聯營信用卡交學費/考試費/本地書店門市之簽賬，有額外2% Cash Dollars回贈 (最高可享額外 $200 Cash Dollars)
恒生就最多額外回贈$200 Cash Dollars，不過所有繳費唔超過一萬，都有0.4%基本回贈，所以如果交$21,050 學費，就可以賺到$240 (額外$200 + 基本回贈$40) Cash Dollars。恒生就比匯豐麻煩啲，因為要預先登記咗先得，如果你交咗學費，又唔記得登記，就蝕哂。呢個推廣優惠由2021年7月1日至12月31日，只限香港城市大學信用卡、香港浸會大學信用卡、香港中文大學信用卡、香港中文大學專業進修學院信用卡及香港恒生大學信用卡。大家會喺2022年2月份或之前，收到Cash Dollars回贈。指定機構及商戶包括：
