Member-only story
最近見到中銀宣傳，話「結餘轉戶」服務 ─ 找其他銀行信用卡/私人貸款，可以專享豁免「結餘轉戶」手續費。以先生心諗，有冇咁著數阿！原來真係冇，係有條件限制：
除咗上述條件，仲有優惠細則：(以下係部份細則)
- (8) 所有合資格交易將由卡公司經核實無誤後，有關手續費回贈將於 2021 年 9 月 30 日或之前誌入合資格之港幣信用卡賬戶。
- (10) 所有獲贈之手續費回贈不能兌換現金、轉換其他禮品、退回或轉讓，同時亦 不可作售賣用途。獲贈的手續費回贈只可作有關手續費回贈誌入後信用卡零售簽賬用途，並不可用作現金透支、支付任何財務費用或繳交手續費回贈誌 入前累積未繳之信用卡結欠。
簡單嚟講，中銀卡冚卡係要畀1%手續費，如果你喺2021年3月7日至6月6日冇用過「結餘轉戶」服務，就可以豁免手續費(6月7日至6月30日)，不過上限係回贈$1,000手續費(即係最多找其他銀行十萬卡數，之後就冇回贈)。同埋，手續費回贈會喺9月30日或之前先畀返，而手續費回贈只可以用嚟做「零售簽賬用途」。
點樣用網上銀行/手機APP卡冚卡呢？
(1) 網上銀行
(2) 手機APP
總結，中銀卡冚卡唔算係最好(恒生卡冚卡冇任何手續費)，但都唔係最差(東亞要5%手續費，雖然特選客戶就回贈返)。不過，大家要留意返啲條款同細則 ─ 例如：手續費回贈只可以用嚟做「零售簽賬用途」。
最後，大家謹記卡數始終要還，卡冚卡只係增加現金流，或者解燃眉之急，千祈唔好本末倒置，先使未來錢，攪到債台高築。
渣打、恒生、東亞、大新，同Citibank 信用卡唔係互相對立，大家可以一齊用嚟增加現金流，免息免手續費延遲找卡數。所以，大家記得一早申請，以免卡到用時方恨少！
